Happy Valentine πŸ’

In Mahusiano

Naitwa Semio Sonyo Mtangazaji na Mzalishaji wa Vipindi katika kituo Bora cha Matangazo cha Radio 5.

πŸ’˜

Nimekuwa nikifanya Kipindi cha Mahusiano Kwa miaka mingi Sana ktk kituo cha Radio 5 kikiitwa Love Cuts kabla ya kukiacha na sasa kikifanywa na Dokta Joe.

πŸ’˜

Nimekuwa muumini mzuri wa kutoa mafunzo,maelekezo pamoja na Tips mbalimbali za mahusiano katika Kurasa zangu mbalimbali ikiwemo Instagram @semiosonyo5 na Facebook Kwa Jina la Semio Sonyo,lakini pia kwenye Website yetu ya radio ambayo ni www.radio5fm.co.tz

πŸ’˜

Kwa miaka mingi yawezekana ulikuwa ukisikia tuu neno Valentine day 

πŸ’–

 lakini naamini hufahamu Undani au historia ya Siku hii.

πŸ’˜

Nichukue nafasi hii sasa ikiwa Leo ni tarehe 14-February-2020 kukufahamisha Kwa Undani kuhusu Siku hii.

πŸ’˜

KARIBU

πŸ’˜

*VALENTINE DAY*

πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž
πŸ’ž

Mtakatifu Valentino alikuwa ni padre wa Roma (Italia) ambaye aliishi kwa  imani ya kikristo kati ya mwaka 197 na 273. Kanisa linamtambua kuwa ni shahidi wa imani kwa kuwa alitoa uhai wake kwa kuilinda, kuitetea na kuitangaza imani ya kikristo. Lakini pia Mtakatifu Valentino anajulikana duniani kote kuwa ni mtakatifu wa wapendanao. Kwa hiyo utakatifu wake katika historia ya Kanisa na umaarufu wake duniani kote ni mambo mawili yanayojikitika katika jambo moja la msingi kwa maisha ya mtu wa dini yeyote na mahali popote; jambo hilo ni imani.
Valentino aliongoka katika ujana wake na kubatizwa mnamo mwaka 197 na baadae akawa Padri kwa kuiishi imani ya kikristo mpaka mwaka 273 alipouawa kwa ajili ya kuitetea imani. Imani hiyo ya kikristo aliishi si tu kwa maneno bali pia kwa vitendo kwani wakati ule kuwa mkristo ilikuwa ni jambo gumu sana. Ugumu huo ulitokana na ukweli kwamba watawala wa Kirumi wa nyakati hizo walikuwa bado hawajaipokea imani ya kikristo. Valentino aliishi imani ya kikristo nyakati za mfalme Claudio ambaye mara kadhaa alimtesa na kumfunga gerezani na baadae aliuawa kwa amri ya mfalme Aureliano. Utakatifu wake Mtakatifu Valentino anatambulika na wengi duniani pote kwa sababu ya upendo wake kwa watu. Tabia yake ya kupenda watu ilijikita katika imani yake kwa Neno la Yesu, β€œAmri yangu ndiyo hii: Mpendane, kama nilivyowapenda ninyi. Hakuna aliye na upendo mwingi kuliko huu, wa mtu kuutoa uhai wake kwa ajili ya rafiki zake” (Yoh. 15:12-13).
Mtakatifu Valentino alitumia muda wake mwingi kuwasaidia watu wa ndoa na vijana wachumba kwa kuwafundisha juu ya upendo. Aliwafundisha kuwa upendo ni fadhila kuu ya kikristo na kiutu, kwa hiyo alisisitiza kuwa upendo ni kielelezo cha imani na utu. 
Watu wa ndoa aliwafundisha kuwa upendo wao hujionesha katika mambo makuu mawili: uaminifu na umoja. Uaminifu wa viapo vya ndoa katika kupendana na kuheshimiana siku zote na kwa hali zote. Umoja katika kutambua kuwa ndoa ni kati ya mume mmoja na mke mmoja. 
Mtakatifu Valentino aliishi nyakati ambazo ndoa za mume mmoja na wake wengi zilikuwa ni kama jambo la kawaida. Wanawake walinyimwa upendo ndani ya ndoa zao na wakawa wanyonge mbele za waume zao. Yeye alikemea jambo hilo bila kujali mtu yeyote; watawala kwa mfano, walikuwa pia na tabia hiyo ya kukosa uaminifu kwa ndoa zao. 
Polepole watu wengi walianza kujirekebisha na upendo ukaanza kurudi ndani ya ndoa. Hata hivyo mfalme Claudio alimchukia Valentino na kumfunga gerezani.
Wachumba aliwafundisha kuwa upendo wa kweli wa wapendanao hujidhihirisha katika kufunga ndoa mbele ya Mwenyezi Mungu. Hivyo basi aliwakemea bila woga vijana wengi waliokuwa wanaishi maisha ya unyumba. Vijana wengi waliongoka na kufunga ndoa takatifu kanisani. 
Jambo hili pia lilimkera sana mfalme kuona kwamba watu wengi wanaingia katika dini ya kikristo. Pia aliwatetea vijana waliokuwa jeshini ambao walikatazwa kwa sheria ya mfalme wasifunge ndoa. Sheria hiyo iliwanyima wanajeshi maisha ya ndoa kwa imani kuwa askari hodari hawatakiwi kuishi maisha ya ndoa.
Mtakatifu Valentino alipigania haki ya hao askari na kuwataka watawala waibatirishe sheria hiyo potovu. Katika kuwasaidia watu wautambue utakatifu wa ndoa, Mtakatifu Valentino alifanikiwa kuwafungisha ndoa wachumba wawili (mmoja mkristo na mwingine alikuwa mpagani) ambao wazazi wao walikuwa wamewawekea vikwazo. Mchumba wa kike ambaye ni mkristo alikuwa mgonjwa na yule wa kiume ambaye ni mpagani alikuwa ni askari. 
Askari aliwaambia eti si vizuri aoe kwani maisha yake yamo daima hatarini na hasa wakati wa vita na hivyo atamwacha mkewe kuwa mjane.
Na yule binti pia aliambiwa asiolewe eti kwa kuwa yeye ni mdhaifu na hivyo anaugua mara nyingi itakuwa ni vigumu kwake kutimiza wajibu wake wa nyumbani.
Mtakatifu Valentino aliingilia kati na kuwafundisha wazazi wa vijana hao kuwa upendo hauna mipaka wala ubaguzi. Na pia wale wachumba akawafundisha kuwa katika ndoa ni lazima kupendana katika taabu na raha, afya na magonjwa, na kuheshimiana daima. Mtakatifu Valentino alifaulu kumbatiza askari na kumfungisha ndoa kwa yule binti ambaye alikuwa taabani mgonjwa kitandani.
Ushahidi wake Mnamo mwaka 269 mfalme Aureliano alimkataza rasmi Valentino kuhubiri, kuwaongoa na kuwafungisha ndoa takatifu. Mtakatifu Valentino aliendelea kumshuhudia Kristo bila woga na akawa tayari kwa lolote ila tu upendo wa Kristo uhubiriwe. Mwaka 270 mfalme alimhukumu Valentino adhabu ya kufungwa gerezani kwa miaka mitatu.
*Urithi wake*Mtakatifu Valentino ametuachia urithi mkubwa wa imani. Mtakatifu Valentino anatufundisha kuwa fadhira ya upendo ni kielelezo cha imani. Mtu yeyote mwenye imani humpenda Mungu na huwapenda wenzake. Kipimo cha imani na kipimo cha utu ni upendo. 
Dunia inahitaji sana upendo ili mambo mengine mazuri yawezekane.Mtakatifu Valentino alitambua kuwa watu wa familia wanapopendana jamii yote itapendana na kuishi kwa amani.
Anatufundisha kuwa upendo huanzia nyumbani, yaani kati ya wanafamilia.
Bila Shaka sasa utakuwa unafahamu Kwa Undani kuhusu Siku hii ya Valentine 
Endelea kutembelea Website Yetu.www.radio5fm.co.tz ili kujifunza mengi kuhusu mahusiano.

Join Our Newsletter!

Get updates, news etc from us. Its simple just put in your email address.

You may also read!

Tamisemi Yakanusha Taarifa Iliyotolewa Na Mgombea Urais Wa Chadema,tundu Lissu

Ofisi ya Rais, Tawala za Mikoa na Serikali za Mitaa (TAMISEMI) imekanusha madai yaliyotolewa na mgombea urais wa Tanzania

Read More...

Korea Kaskazini yaonya kuhusu shughuli za kijeshi la Korea Kusini kwenye eneo lake- KNCA

Korea Kaskazini imesema ilikuwa inautafuta mwili wa raia wa Korea Kusini aliyeuwawa na wanajeshi wake, lakini ikionya kwamba shughuli

Read More...

PICHA:Mkurugenzi wa Huduma za Uuguzi na Ukunga Bi. Ziada Sellah akizindua kitabu kinachoitwa “COVID-19 VITA VYA KARNE YA 19”

Wauguzi wa hospitali ya Rufaa ya Mkoa ya Mount Meru-Arusha wakionesha vyeti vyao mara baada ya kutunukiwa vyeti

Read More...

Leave a reply:

Your email address will not be published.

Mobile Sliding Menu