Kavanaugh aapishwa kuwa jaji wa Mahakama ya Juu.

In Kimataifa

Brett Kavanaugh aliapishwa kuwa jaji wa 114 wa Mahakama ya Juu ya Marekani, baada ya mjadala mkali sana kuhusu tabia chafu ya ngono na majibizano ya kisheria yaliyolitikisa baraza la Seneti na taifa zima.

Kuapishwa kwa jaji huyo mwenye umri wa miaka 53 kulikuja katika wakati ambapo Marekani imeingia kwenye kiwango cha juu kabisa cha mpasuko wa kisiasa kati ya waliompinga na waliomuunga mkono, huku ikihofiwa kuwa muhimili wa mahakama utaelemea zaidi kwenye siasa za mrengo mkali wa kulia kwa miongo kadhaa ijayo.

Jaji Kavanaugh aliapishwa kwenye sherehe ya kimyakimya na ya faragha muda mchache baada ya kupata ushindi mdogo kabisa kuwahi kushuhudiwa katika baraza la Seneti kwa takribani karne moja na nusu, huku waandamanaji wakipiga mayowe ya kumpinga nje ya jengo la mahakama.

Ushindi wa kura 50 dhidi ya 48 za kumpinga ulihitimisha mapambano ya muda mrefu ambayo taifa hilo tajiri lilijikuta likipambana nayo ndani yake, baada ya madai kuibuka kwamba aliwahi kuwashambulia kingono wanawake kadhaa miongo mitatu iliyopita – madai ambayo aliyakanusha vikali.

Tuhuma hizi ziliyabadilisha mapambano kutoka yale yanayotafautisha itikadi za kimahakama hado kuwa mashambulizi binafsi juu ya haki za wahanga na wateule na imani ya kutomtia mtu hatiani kabla ya uamuzi wa mahakama.

Join Our Newsletter!

Get updates, news etc from us. Its simple just put in your email address.

You may also read!

Familia Ya Mo Dewji Yatangaza mkwanja wa Bilioni 1 (1,000,000,000) kumpata Mo.

Familia ya Mfanyabiashara wa Tanzania Mohammed Dewji imetangaza zawadi nono ya TSH. BILIONI MOJA (1,000,000,000)  kwa yeyote atakaetoa taarifa

Read More...

Leave a reply:

Your email address will not be published.

Mobile Sliding Menu