Mabilioni ya Escrow yaliyotoroshwa sasa kurejeshwa nchini.

In Kitaifa

Timu kabambe ya uchunguzi ikiongozwa na wataalamu kutoka Taasisi ya Kuzuia na Kupambana na Rushwa (TAKUKURU) imesema kuwa itahakikisha kila senti iliyofichwa nje ya nchi inarejeshwa ili haki iweze kutendeka kwa wahusika.

Msako huo wa nchi za nje unatokana na kuwepo kwa taarifa za baadhi ya wanufaika wa mgawo wa mabilioni hayo kuwa walitoroshea fedha hizo barani ulaya na maeneo mengine mbalimbali duniani.

Aidha, harakati hizo za uchunguzi zinalengo moja tu kwamba hakuna fedha inayohusishwa na tuhuma hiyo ambayo haitafikiwa ikiwa ni pamoja na zile zilizokuwa zikizungumziwa bungeni zilizochotwa kwenye benki kwa mifuko ya sandarusi na ile ya rambo.

Imeelezwa kuwa eneo kubwa ambalo limelengwa na uchunguzi huo ni bara la Ulaya ambako inasemekana ndio kuna kiasi kikubwa cha fedha kimehifadhiwa na wanufaika wa mgawo huo.

Mussa Misalaba Ofisa Mahusiano wa Takukuru amesema kuwa ni kweli tuna maofisa wetu wa takukuru wamekwenda nje ya nchi kufuatilia fedha za Escrow, kwa sasa siwezi kutaja kuwa ni nchi gani hasa tunazozifuatilia maana huu ni uchunguzi.

Hata hivyo, ameongeza kuwa taasisi hiyo ya Takukuru imeamua kushirikisha taasisi zingine za Kimataifa katika kuwachunguza zaidi baadhi ya watuhumiwa wa Escrow kama wamehifadhi fedha hizo nje ya nchi.

 

Join Our Newsletter!

Get updates, news etc from us. Its simple just put in your email address.

You may also read!

Majeshi ya Marekani yauwa raia Somalia

Majeshi ya Marekani yanayoendesha mashambulizi ya angani nchini Somalia dhidi ya ngome za wapiganaji wa Al Shabab nchini humo

Read More...

Idai yapoteza makazi ya watu 400,000.

Shirika la Msalaba Mwekundu linakadiria kuwa watu 400,000 wamepoteza makaazi yao nchini Msumbiji kutokana na Kimbunga Idai kilichoipiga nchi

Read More...

Baa la njaa kuikumba Kenya.

Zaidi ya watu milioni 1.5 nchini Kenya wako katika hatari ya kukabiliwa na baa la njaa kufuatia kutokuwepo kwa

Read More...

Leave a reply:

Your email address will not be published.

Mobile Sliding Menu