Manchester United hatimaye wamnyaka beki Bissaka.

In Michezo

MANCHESTER UNITED ipo kwenye hatua za mwisho za kukamilisha usajili wa beki Aaron Wan-Bissaka. Wan-Bissaka anatajwa kama miongoni mwa mabeki bora wa pembeni kwenye Ligi Kuu England.

Klabu hiyo imefikia muafaka wa kulipa ada ya pauni milioni 50 (Sh. bilioni 146) ili kumsajili beki huyo wa pembeni wa Crystal Palace. Pamoja na ada hiyo, pia Wan-Bissaka ameahidiwa mshahara mnono na Manchester United.

Wan-Bissaka anayelipwa kwa sasa mshahara wa pauni 10,000 (Sh. milioni 29) kwa wiki, ameahidiwa kupata kitita cha pauni 80,000 (Sh. milioni 233) kwa wiki katika klabu yake mpya wa Manchester United. Beki huyo anatazamiwa kwenda Manchester kufanyiwa vipimo kabla ya kukamilisha taratibu za usajili.

Wan-Bissaka atakuwa mchezaji wa pili kusajiliwa na kocha wa Manchester United, Ole Gunnar Solskjaer baada ya kumpata kiungo Dan James aliyekuwa Swansea City. Mkurugenzi wa Ufundi wa Palace, Dougie Freedman ndio alikutana na viongozi wa Manchester United kukamilisha dili hilo.

Freedman alikuwa Italia ambako alikuwa anafuatilia michuano ya soka ya Ulaya ya vijana wenye umri wa chini ya 21 ambako Wan-Bissaka alikuwemo katika kikosi cha England kilichotolewa kwenye makundi.

Mara ya kwanza Manchester United ilitaka kutoa dau la pauni milioni 35 (Sh. bilioni 102) lakini lilikataliwa na Crystal Palace. Solskjaer atakuwa amefurahishwa na kumpata Wan-Bissaka kwani atacheza kama beki wa kulia kwani kwa sasa walikuwa wanamtegemea zaidi mkongwe Ashley Young

Join Our Newsletter!

Get updates, news etc from us. Its simple just put in your email address.

You may also read!

SOKA LA KIMATAIFA NA FUNUNU ZAKE

Real Madrid bado wanataka kumsajili mshambuliaji wa kimataifa wa Brazili Neymar, lakini wanataka hakikisho kutoka Paris St-Germain kuhusu hali

Read More...

(TAMISEMI) KUTOA TANGAZO LA UCHAGUZI WA SERIKALI ZA MITAA.

Waziri Ofisi ya Rais Tawala za Mikoa na Serikali za Mitaa (TAMISEMI) Selemani S Jafo kesho tarehe 23 Mwezi

Read More...

Leave a reply:

Your email address will not be published.

Mobile Sliding Menu