May aairisha kura kuhusu Brexit.

In Kimataifa

Waziri mkuu wa Uingereza Theresa May ameahirisha kura iliyokuwa ifanyike leo bungeni kuhusu makubaliano ambayo serikali yake na Umoja wa Ulaya yalifikia kuhusu mchakato rasmi wa Uingereza kujiondoa kutoka Umoja wa Ulaya ujulikanao Brexit. May ameahirisha kura hiyo kwa kuhofia kushindwa vibaya bungeni na kusema anaelekea Brussels, yaliko makao makuu ya Umoja wa Ulaya kufanya mazungumzo zaidi na viongozi wa umoja huo. Hata hivyo Umoja wa Ulaya umeonya kuwa hautaanzisha tena mazungumzo ya kufikiwa makubaliano mapya. May amekiri kuwa rasimu ya makubaliano aliyoyafikia na Umoja wa Ulaya mwezi uliopita ingepingwa na idadi kubwa ya wabunge iwapo ingewasilishwa bungeni leo Jumanne, lakini amesisitiza makubaliano hayo ndiyo bora zaidi ila atatafuta hakikisho zaidi hasa kuhusiana na suala tete la Ireland Kaskazini. Leo waziri huyo mkuu wa Uingereza atafanya mazungumzo na mwenzake wa Uholanzi Mark Rutte mjini The Hague kisha atafanya mazungumzo na Kansela wa Ujerumani Angela Merkel mjini Berlin. Rais wa Baraza la Umoja wa Ulaya Donald Tusk ambaye ameitisha mkutano maalum wa kilele wa viongozi wa nchi 27 wanachama wa umoja huo siku ya Alhamisi ameonya kuwa hawatajadili tena makubaliano yaliyofikiwa.

Join Our Newsletter!

Get updates, news etc from us. Its simple just put in your email address.

You may also read!

MBUNGE JAGUAR WA KENYA ALIYETISHIA KUWAFURUSHA WATANZANIA AKAMATWA

Maafisa wa polisi nchini Kenya wamemkamata mbunge wa jimbo la Starehe anayedaiwa kutoa kauli za chuki dhidi ya wafanyabiashara

Read More...

MANCHESTER CITY, YAMTOA KAFARA DANILO

. . Klabu ya Manchester City, ipo tayari kutoa kiasi cha paundi milioni 44 na beki wao wa pembeni

Read More...

TOTTENHAM MBIONI KUMSAJILI KIUNGO KUTOKA LYON.

. . Klabu ya Tottenham, imekubali kutoa kitita cha kiasi cha paundi milioni 62 kumsajili kiungo wa kati wa

Read More...

Leave a reply:

Your email address will not be published.

Mobile Sliding Menu