Miss Tanzania Mikononi mwa Waziri Mkuu

In Kitaifa

Waziri Mkuu Kassim Majaliwa amemtaka mshindi wa shindano la urembo Tanzania (Miss Tanzania) kwa mwaka 2019 Sylivia Bebwa, kuhakikisha anakuwa Balozi mzuri wa kutangaza vivutio vya utalii vilivyopo nchini, shughuli za maendeleo zinazofanywa na serikali na aishi kwa kuzingatia utamaduni wa Mtanzania.

Waziri Mkuu ameyasema hayo jana ofisini kwake jijini Dodoma, alipokutana na Waziri wa Habari, Utamaduni, Sanaa na Michezo, Dkt Harrison Mwakyembe, waandaaji wa shindano ya Miss Tanzania pamoja na mshindi wa Kwanza, wa pili na Watatu wa shindano hilo. “Miss Tanzania lazima awe mbunifu na uelewa mpana katika masuala mbalimbali zikiwemo jitihada zinazofanywa na Serikali katika kuboresha maendeleo ya wananchi kama kuhamasisha elimu hususan kwa watoto wa kike ili waweze kutimiza ndoto zao”, amesema Waziri Mkuu.

Ameongeza kuwa, Miss Tanzania anatakiwa kutumia fursa hiyo kutangaza vivutio mbalimbali vya utalii vilivyopo nchini, shughuli zinazofanywa na Serikali katika kukuza uchumi pamoja na kuhamasisha wananchi washiriki katika kufanya kazi kwa ajili ya maendeleo yao na Taifa.
Waziri Mkuu Majaliwa pia amempongeza Waziri wa Habari, Utamaduni, Sanaa na Michezo Dkt Mwakyembe kwa namna anavyoratibu shughuli mbalimbali katika wizara hiyo, kwa kuwa hata katika sekta ya michezo viwango vimeanza kuonekana.
Amesema Serikali inaunga mkono masuala ya michezo na inapenda kuona viwango vinapanda, hatua ambayo itawawezesha wahusika kufanya vizuri katika mashindano mbalimbali wanayoshiriki.

Kwa upande wake, Waziri Mwakyembe amemshukuru Waziri Mkuu kwa kukubali kuonana na ujumbe huo hususani Miss Tanzania, ambaye anajiandaa kwenda kushiriki shindano la urembo la Dunia (Miss World) linalotarajiwa kufanyika London, Uingereza Disemba 14 mwaka huu.

Naye Miss Tanzania 2019, Sylivia ameishukuru Serikali kwa fursa aliyopewa ya kukutana na Waziri Mkuu na kuongeza kuwa atajitahidi kuhakikisha anatekeleza majukumu yake ipasavyo ikiwemo kuiwakilisha Tanzania kwenye shindano hilo la Miss World na kwamba anakwenda kutumia lugha ya kiswahili.

Join Our Newsletter!

Get updates, news etc from us. Its simple just put in your email address.

You may also read!

Mufti Mkuu wa Tanzania aomba kutokomea kwa Corona.

Mufti wa Tanzania Sheikh Abubakari Zubery Bin Ally amewaomba watanzania kuungana kwa pamoja kumuomba mwenyezi Mungu ili virusi vya

Read More...

Simba waendelea kula mifugo Mara.

Serikali Wilayani Serengeti Mkoani Mara imekiri kuwepo kwa kundi la Simba linaloendelea kula mifugo ya wananchi katika wilaya

Read More...

Amjeruhi mpenzi wake kwa risasi wakiwa hotelini…

Polisi mkoani Geita inamshikilia mfanyabiashara Bw.Salum Othman mkazi wa jijini Mwanza kwa tuhuma za kumjeruhi kwa kumpiga risasi

Read More...

Leave a reply:

Your email address will not be published.

Mobile Sliding Menu