Rais Magufuli atuma salamu za rambirambi kufuatia kifo cha ‘King Majuto

In Kitaifa

Rais wa Jamhuri ya Muungano wa Tanzania, Dkt. John Pombe Magufuli ametuma salamu za rambirambi kwa Waziri wa Habari, Sanaa, Utamaduni na Michezo, Dkt. Harrison Mwakyembe kufuatia kifo cha msanii mkongwe hapa nchini Mzee Amri Athuman maarufu kwa jina la ‘King Majuto’ kilichotokea tarehe jana 8/8/2018 katika Hospitali ya Taifa Muhimbili iliyopo jijini Dar es salaam.

Katika salamu hizo Rais Dkt. Magufuli amemtaka waziri Dkt. Mwakyembe kufikisha salamu za pole kwa familia ya marehemu, wasanii wote nchini, wadau wa sanaa, ndugu jamaa na marafiki na wote walioguswa na kifo cha King Majuto.

Aidha, Rais Dkt. Magufuli amesema kuwa King Majuto atakumbukwa kwa mchango wake mkubwa na muda mrefu alioutoa kupitia sanaa ya uigizaji na uchekeshaji, ambapo alishiriki kuelimisha jamii, kuendeleza na kukuza sanaa na kuunga mkono juhudi za chama na serikali kuhimiza maendeleo.

“King Majuto alikuwa kielelezo cha safari ndefu ya sanaa kwa nchi yetu, kwa muda wote amedhihirisha kipaji, ujuzi na uwezo wa hali ya juu  katika uigizaji na uchekeshaji na hivyo kuwa kipenzi cha Watanzania na wasanii wenzake, hatutasahau ucheshi wake, upendo na uzalendo kwa nchi yake wakati wote wa uhai wake,”amesema Rais Dkt. Magufuli

Hata hivyo, Rais Dkt. Magufuli ameongeza kuwa anaungana na familia na wote walioguswa na kifo cha King Majuto katika kipindi hiki cha majonzi na anamuombea kwa mwenyezi Mungu apumzike mahali pema peponi.

Join Our Newsletter!

Get updates, news etc from us. Its simple just put in your email address.

You may also read!

Museveni akanusha kupigwa vibaya Bobi Wine.

Rais wa Uganda Yoweri Museveni amekanusha kwamba mbunge wa upinzani Bobi Wine amejeruhiwa. Katika taarifa yake ya kwanza kuhusu

Read More...

Dada yake Rais Magufuli aaga dunia.

Rais wa Jamhuri ya Muungano wa Tanzania, Dkt. John Pombe Magufuli amefiwa na dada yake, Monica Joseph Magufuli aliyekuwa amelazwa katika

Read More...

Leave a reply:

Your email address will not be published.

Mobile Sliding Menu