Mkuu wa Mkoa wa Dar es salaam Paul Makonda ameunda kamati maalum ya watu 17 itakayoshughulika na masuala ya mapenzi ya jinsia moja jijini DSM kwa kile alichokieleza ni kukomesha biashara hiyo ndani ya Mkoa wa DSM.
Amesema miongoni mwa wajumbe wa kamati hiyo wanatoka TCRA Madaktari, Bodi ya filamu na wanasaikolojia.Makonda amesema hadi sasa amepokea msg 18,972 zenye majina ya ya zaidi ya watu 200 wanaofanya biashara ya ngono ya watu wa jinsia moja.
Kamati hiyo itashughulika na waigizaji wa filamu za ngono nchini, wamiliki wa nyumba zinazotumika kuigiza video za ngono, pamoja kuwatafuta watu wanaotumia mitandao kutapeli.
Makonda amezitaka mamlaka zinazohusika na haki za binadamu nchini kutoingilia suala hilo kwa kile alichokisema suala hilo ni kinyume na taratibu na sheria za Tanzania, amesema kwenye mkoa huo ushoga sio haki za binadamu ni kosa la jinai.
Makonda amesema baadhi ya mashoga wamefanya kazi hiyo kwa muda mrefu sasa wamechoka hivyo wanataka waache.
Ametoa wito kwa wakazi wa dar wafute picha za ngono kwenye simu zao kabla ya jumatatu. Makonda amesema wanaume watakaotajwa kuwa ni wateja wa mashoga watakamatwa, mashoga hao watapimwa na wte wawili watashitakiwa.
