Naibu Waziri wa Nchi Ofisi ya Makamu wa Rais Muungano Luhaga Mpina, amesema Kero za Muungano, ambazo zimekuwa ni tatizo kubwa kwa wananchi zimepatiwa ufumbuzi kwa kiasi kikubwa.
Ameyasema hayo bungeni mjini Dodoma wakati akijibu hoja mbali mbali kutoka kwa wabunge.
Amesema kuwa katika kipindi cha mwaka 2006 hadi 2007 hoja 15 zilizowasilishwa kutafutiwa ufumbuzi kati ya hizo hoja 11 ,zimepatiwa ufumbuzi.
Aidha, ametaja kero hizo kuwa ni pamoja na utekelezaji wa Sheria ya Tume za Haki za Binadamu na utawala Bora, Uvuvi kwenye ukanda wa bahari Kuu, ushiriki wa Zanzibar kwenye Jumuiya ya Afrika Mashariki.
Hata hivyo, amezitaja kero zingine zilizopatiwa ufumbuzi ni ushiriki wa Zanzibar na Kampuni za Kimataifa, suala la ajira kwa raia wa Zanzibar, utafutaji na uchimbaji wa mafuta na gesi asilia.
