Maafisa wa bandari ya Beirut Wawekwa kifungo cha nyumbani wakisubiri uchunguzi; idadi ya vifo yafikia 135

In Kimataifa

Baadhi ya maafisa wa mji wa Beirut wamewekwa katika kifungo cha nyumbani huku wakisubiri uchunguzi kuhusu mlipuko mkubwa wa siku ya Jumanne uliopelekea zaidi ya watu 135 kuuawa Lebanon.

Manal Abdul Samad Najd, Waziri wa Habari wa Lebanon amesema kuwa, kifungo cha nyumbani kitawashirikisha maafisa wote wa bandari, ambao walihusika katika suala la kuhifadhi amoniamu naitreti , wakiilinda na kusimamia usimamizi wake tangu Juni 2014.


Wakati huo huo, Wizara ya Afya ya Lebanon imetangaza kuwa, idadi ya watu waliofariki dunia katika mlipuko huo wa siu ya Jumanne imeongezeka na kufikia wahanga 135 huku waliojeruhiwa wakiwa takriba elfu tano.
Mlipuko huo ulitokea katika ghala nambari 12 la Bandari ya Beirut na kwamba sababu ya moto ni mada za milipuko ambazo zilikuwa zimehifadhiwa hapo.


 Mlipuko huo ulikuwa mkubwa kiasi cha kusikika kilomita nyingi kutoka eneo la tukio. Taarifa zaidi kutoka mji mkuu wa Lebanon Beirut zinasema kuwa, mlipuko huo umesababisha hasara kubwa kwa nyumba za makazi na pia katika idara binafsi na za serikali hasa majengo yaliyokuwa karibu na tukio hilo.


Kwa mujibu wa Rais Michel Aoun tani 2,750 za mada za amoniamu naitreti zinazotumika kwa utengenezaji wa mbolea na mabomu zilikuwa zimehifadhiwa katika bandari ya Beirut kwa muda wa miaka sita bila kuchukuliwa tahadhari za kiusalama.

Join Our Newsletter!

Get updates, news etc from us. Its simple just put in your email address.

You may also read!

TEMBO WAUA TENA KIGONIGONI

Aliyekuwa mwananchi wa Kijiji cha Kigonigoni Wilayani Mwanga Mkoani Kilimanjaro, Yonael Kaindu Maarufu kama Mzembi, ameshambuliwa na Kuuawa na

Read More...

Waziri wa zamani wa Msumbiji ahukumiwa kifungo cha miaka 16 jela kwa makosa ya ufisadi.

Msumbiji Alhamisi imemuhukumu waziri wa zamani kifungo cha miaka 16 jela kwa makosa ya ufisadi, ikiwa ni hukumu kali

Read More...

YANGA yasaini Mkataba mpya wa Udhamini na Sportpesa

KLABU ya Yanga SC, imesaini mkataba mpya wa Udhamini Mkuu na Kampuni ya kubashiri ya Sportpesa Tanzania, wenye thamani

Read More...

Leave a reply:

Your email address will not be published.

Mobile Sliding Menu