Leo rais Dk John Pombe Magufuli amepokea ripoti za uchunguzi wa madini ya Tanzanite na Almasi kutoka kwa Waziri Mkuu, Kassim Majaliwa.
Ripoti hizo zimetokana na kamati mbili zilizoundwa na spika wa Bunge Job Ndugai.
Katika maelezo yake kabla ya kumkabidhi Rais ripoti hizo, Waziri mkuu Majaliwa amesema kwa muda mrefu watanzania wamekuwa wakilalamika serikali kutowajali na kuwasikiliza.
Antenna imeinasa sehemu ya ripoti hiyo kama ilivyokuwa ikiwasilishwa na mwenyekiti wa kamati husika mheshimiwa Azzan Mussa Zungu.
Mara baada ya kupokea ripoti hizo, Rais Magufuli amechukua uamuzi wa kutengua uteuzi wa wateule wote waliotajwa katika ripoti hizo.
Miongoni mwa wateule wa Rais waliotajwa katika ripoti hiyo ni pamoja na Waziri wa Ofisi ya Rais TAMISEMI George Simbachawene, Naibu Waziri wa Ujenzi na Uchukuzi Edwin Ngonyani.
Wengine waliotajwa katika taarifa hizo ni pamoja na Katibu Tawala Eliakim maswi, wabunge Willium Ngeeleja na Endrew Chenge.
Muda mfupi baada ya agizo hili la mheshimiwa rais, Waziri wa TAMISEMI George Simbachawene ameripotiwa kuandika barua ya kujiuzulu baada ya jina lake kutajwa katika uchunguzi huo.
Nae naibu Waziri wa Ujenzi, Uchukuzi na Mawasiliano Edwin Ngonyani, amesema anaandika barua ya kujiuzulu baada ya Rais John Magufuli kuwataka watu wote waliotajwa kwenye ripoti hiyo kujiondoa wenyewe.
