Tamisemi Yakanusha Taarifa Iliyotolewa Na Mgombea Urais Wa Chadema,tundu Lissu

In Kitaifa

Ofisi ya Rais, Tawala za Mikoa na Serikali za Mitaa (TAMISEMI) imekanusha madai yaliyotolewa na mgombea urais wa Tanzania kupitia Chama cha Demokrasia na Maendeleo (CHADEMA), Tundu Lissu kuwa wakurugenzi wa halmashauri zote nchini wameitwa Dodoma na Rais Dkt. Magufuli ili wapewe maelekezo maalum kuhusu uchaguzi mkuu wa mwaka 2020.

Katibu Mkuu wa TAMISEMI, Mhandisi Joseph Nyamhanga amesema taarifa hiyo ni ya uongo na wananchi wanapaswa kuipuuza.

Aidha, amesema kuwa TAMISEMI imesikitishwa sana na taarifa hiyo ya uongo ambayo imetolewa na mtu anayeomba dhamana ya kuongoza nchi, ambayo pia inalenga kuwakatisha tamaa wasimamizi wa uchaguzi kwa nia ya kuvuruga uchaguzi na kuharibu amani ya nchi kwa makusudi.

“Wakurugenzi wote wa halmashauri wapo katika vituo vyao vya kazi wakiendelea kutimiza wajibu wao wa kusimamia shughuli za maendeleo na kusimamia maandalizi ya uchaguzi mkuu kwa kuzingatia miongozo mbalimbali kutoka Tume ya Taifa ya Uchaguzi,” ameandika Nyamhanga katika taarifa yake.

Wananchi wametakiwa kujiepusha na vitendo vyovyote vyenye nia ya kuhatarisha amani ya nchi katika kipindi hiki cha uchaguzi na wakati mwingine wowote.

Join Our Newsletter!

Get updates, news etc from us. Its simple just put in your email address.

You may also read!

TEMBO WAUA TENA KIGONIGONI

Aliyekuwa mwananchi wa Kijiji cha Kigonigoni Wilayani Mwanga Mkoani Kilimanjaro, Yonael Kaindu Maarufu kama Mzembi, ameshambuliwa na Kuuawa na

Read More...

Waziri wa zamani wa Msumbiji ahukumiwa kifungo cha miaka 16 jela kwa makosa ya ufisadi.

Msumbiji Alhamisi imemuhukumu waziri wa zamani kifungo cha miaka 16 jela kwa makosa ya ufisadi, ikiwa ni hukumu kali

Read More...

YANGA yasaini Mkataba mpya wa Udhamini na Sportpesa

KLABU ya Yanga SC, imesaini mkataba mpya wa Udhamini Mkuu na Kampuni ya kubashiri ya Sportpesa Tanzania, wenye thamani

Read More...

Leave a reply:

Your email address will not be published.

Mobile Sliding Menu