Trump asema ana ”uhusiano mzuri” na Durtete.

In Kimataifa

Rais wa Marekani Donald Trump amesema kuwa ana uhusiano mzuri na kiongozi wa Phillipino Rodrigo Durtete bada ya mkutano kati ya viongozi hao.

Haijabainika iwapo Trump alizungumza kuhusu ukiukaji mkubwa wa haki za kibinaadamu nchini humo licha ya shinikizo za yeye kufanya hivyo.

Utawala wa Marekani uliopita ulimshutumu rais Durtete kuhusu vita vyake dhidi ya mihadarati ambavyo vimesababisha vifo vya watu 4000.

Bwana Trump anakaribia kukamilisha ziara yake ya bara Asia.

Mkutano wa kwanza kati ya Trump na Durtete ambao ulifanyika katika mkutano wa muungano wa mataifa ya kusini mashariki mwa bara Asia ASEAN ulitazamwa kwa makini kwa kuwa wote wawili wanajulikana kwa kutoa cheche kali za maneno zenye utata.

Baada ya mkutano huo wa faragha, rais huyo wa Marekani hakujibu maswali kuhusu iwapo alizungumzia kuhusu ukiukaji wa haki za kibinaadamu huku msemaji wa Durtete akisema kuwa hoja hiyo haikuzungumziwa.

Msemaji wa Ikulu ya Whitehouse Sarah Sanders baadaye alisema kuwa hoja hiyo ilijadiliwa kwa ufupi katika mkutano huo wa faragha hususan katika vita dhidi ya mihadarati lakini hakutoa maelezo zaidi.

Siku ya Ijumaa bwana Durtete alisema kuwa alimdunga mtu kisu hadi kufa wakati alipokuwa kijana.

Msemaji wake baadaye alisema kuwa matamshi hayo yalikuwa ya ndani.

Join Our Newsletter!

Get updates, news etc from us. Its simple just put in your email address.

You may also read!

CCM waongeza nafasi za Wajumbe Halmashauri kuu

Rais wa Tanzania na Mwenyekiti wa Chama Cha Mapinduzi (CCM) Dk Samia Suluhu amesema ili kupanua wigo, halmashauri kuu

Read More...

Washukiwa 25 wanaodaiwa kupanga njama za mapinduzi wakamatwa Ujerumani

Maelfu ya polisi leo wamefanya msururu wa misako kote Ujerumani wa washukiwa wa siasa kali za mrengo wa kulia

Read More...

Mkuu mpya wa chuo cha Arusha asimikwa.

Chuo kikuu cha Arusha kimemsimika mkuu mpya wa chuohicho wakati wa mahafali ya 16 ambayo yamefanyika chuonihapo.  Mkuu aliyeachia nafasi

Read More...

Leave a reply:

Your email address will not be published.

Mobile Sliding Menu