Wananchi wa Mkoa wa Simiyu watakiwa kutumia vizuri fedha wanazozipata kwa mauzo ya pamba.

In Kitaifa

Naibu Waziri Ofisi ya Makamu wa Rais Muungano na Mazingira, Luhaga Mpina amewataka wananchi wa Jimbo la Kisesa Wilayani Meatu mkoani Simiyu kutumia vizuri fedha wanazopata kwa kupitia mauzo ya pamba kununua chakula cha kutosha na kukihifadhi ili kuondokana na uhaba wa chakula.

Ameyasema hayo mapema hii leo alipokuwa akizungumza na wananchi wa Kijiji cha Mwagayi Kata ya Itinje Wilaya ya Meatu, ambapo amesema kuwa uamuzi uliofanywa na Rais Dkt. John Pombe Magufuli kusimamia ongezeko la bei ya pamba umelenga kuboresha maisha ya wananchi wanyonge waliodhulumiwa kwa miaka mingi.

Amesema kuwa Rais amesimamia msimamo usioyumba katika suala la pamba ambapo kwa sasa bei ya pamba imefikia shilingi 1200 kwa kilo tofauti na hapo awali ambapo wakulima walikuwa wakidhulumiwa kwa kulipwa shilingi 600 kwa kilo.

Aidha, Mpina amewataka wananchi hao kutumia mabadiliko hayo ya bei ya pamba kama fursa ya kuboresha maisha badala ya kutumia vibaya fedha hizo kwa mambo ya anasa ikiwemo kuongeza idadi ya wake.

Hata hivyo, ameongeza kuwa Serikali ya Awamu ya Tano chini ya Rais Dkt. Magufuli ,imedhamiria kwa dhati kuboresha maisha ya wananchi wanyonge na ndio sababu ya kuwekwa msimamo huo kuhusu bei ya pamba.

 

 

 

Join Our Newsletter!

Get updates, news etc from us. Its simple just put in your email address.

You may also read!

DC Magoti apiga Marufuku pikipiki kubeba mkaa.

Mkuu wa Wilaya ya Kisarawe mkoani Pwani ndugu PetroMagoti,amepiga marufuku piki piki kubeba mkaa katika Wilayahiyo kuanzia leo July

Read More...

Hali ilivyo Kenya sasa baada ya maandamano

Baada ya maandamano yaliyofanyika nchini Kenya juu ya Muswa wa sheria ya Fedha,leo tumezungumza na ndugu Daniel Orogo mchambuzi

Read More...

Rais wa Msumbiji kufungua maonesho ya sabasaba

Rais Filipe Nyusi wa Msumbiji ambaye anatarajiwa kuwasili nchini kesho kuanza ziara ya kikazi, anatarajiwa kufungua rasmi Maonesho ya

Read More...

Leave a reply:

Your email address will not be published.

Mobile Sliding Menu