Mmoja wa wahariri waandamizi wa gazeti la The Guardian, Finnigan Simbeye ameokotwa eneo la Bunju wilayani Kinondoni akiwa hajitambui.
Taarifa zilizosambaa leo kwenye mitandao ya kijamii zinaonyesha kitambulisho chake cha kazi cha kampuni ya The Guardian Limited zinaeleza Simbeye aliokotwa akiwa kwenye hali mbaya.
Hata hivyo, kamanda wa polisi Mkoa wa Kinondoni, Murilo Jumanne alipotafutwa amesema hana taarifa za tukio la kuokotwa Simbeye.
Rose Mirondo, ambaye ni mkewe Simbeye amesema mumewe aliondoka nyumbani jana Jumamosi April 7, 2018 akiwa na gari lakini hakurudi hadi alipopata taarifa za kuokotwa kwake leo.
