Tukio la kusahangaza linalo Treand kwa sasa ni kuhusu kifo cha Mwendesha Mashitaka wa Serikali Afrika Kusini Addelaid Ferreira Watt (51), aliefariki Duniani kwa kupigwa risasi baada ya bastola ya ushahidi kudondoka katika Meza ya Mahakama.
Kwa mujibu wa Mitandao ya Afrika Kusini tukio hilo limetokea November 18 katika Mahakama ya Mkoa Ixopo Kwazulu-Natal wakati Mwendesha Mashitaka huyo akisimamia kesi ya wizi wa kutumia silaha.
Mkurugenzi wa Mashitaka nchini humo Elaine Zungu amesema kuwa, Watt alipigwa risasi katika nyonga akiwa ndani ya chumba cha Mahakama akiendesha kesi ya Wizi wa kutumia silaha ambapo bastola ilidondoka yenyewe kutoka katika meza ya Mahakama kisha ikafyatuka na risasi zikatoka na kumjeruhi Mwendesha Mashitaka huyo Ferreira Watt katika nyonga na kusababisha kifo chake.
Inaelezwa kuwa Bastola hiyo ilikuwa ni kielelezo cha ushahidi katika kesi ya wizi wa unyanganyi kwa kutumia silaha.
