Rais Donald Trump ameagiza kuondolewa ulinzi wa aliyekuwa mkuu wa shirika la ujasusi la Marekani CIA John Brennan,akidai kwamba ni mtu asiyetabirika katika uadilifu na asiyefuata misingi.
Kupitia ukurasa wake wa Twitter Brennan amesema kuwa hatua hiyo ni mwendelezo wa jitihada za Rais Trump kudidimiza uhuru wa kujieleza na kuwandama wakosoaji wa utawala wake.
Amesisitiza kuwa hili jambo linalopaswa kutiliwa mashaka na raia wote wa Marekani kuhusiana na mwenendo huu wa rais,na kuwatahadharisha pia wataalamu na wana usalama kuwa makini na hatua hizi za Trump
Brennan mapema alikaririwa akikosoa mkutano wa Trump wa mwezi July na rais wa Urusi Vladimir Putin in Helsinki uliofanyika mjini Helsinki kwamba hakuwa na maana yoyote.
Mwakajana Bw Brennan alisifu uchunguzi wa ushiriki wa Urusi katika uchaguzi mkuu wa mwaka 2016 kwamba ulikuwa umepangiliwa vizuri.
Hata hivyo Trump kwa upande amekuwa akipuuza madai hayo na kusema kuwa ni jambo linalozushwa tu kwa maslahi ya kisiasa.
