Muuguzi wa Kituo cha Afya cha Haneti, Wilaya ya Chamwino
mkoani Dodoma, Rhoda Mitinda (30), amefariki dunia katika
ajali ya gari iliyotokea eneo la Mayamaya, Wilaya ya Bahi,
akiwa njiani kumsindikiza mjamzito kwenda kujifungua katika
Hospitali ya Rufaa ya Dodoma.
Akithibitisha tukio hilo Kamanda wa Polisi wa Mkoa wa
Dodoma, George Katabazi, amesema ajali hiyo ilitokea alfajiri
ya Novemba 30, 2024 ambapo Gari la kubebea wagonjwa aina
ya Toyota Land Cruiser lililokuwa likiendeshwa na dereva
Mazoea Nampanga (64) liligonga kwa nyuma lori lililokuwa
limeegeshwa pembeni mwa barabara.
Kamanda Katabazi ameeleza kuwa uchunguzi wa awali
unaonyesha kuwa gari hilo la wagonjwa lilishindwa kudhibiti
mwendo, na hivyo kugonga kwa nyuma lori ambalo lilikuwa
limeegeshwa bila tahadhari ya kutosha kando ya barabara.
