MWENGE wa uhuru umezindua mradi wa kuhifadhi mazingira wa shule
ya sekondari Mgutwa iliyopo Kata ya Shambarai Wilayani Simanjiro
Mkoani Manyara wa wenye thamani ya shilingi 18,210,000.
Mkuu wa shule ya sekondari Mgutwa Donald Lema akisoma taarifa ya
mradi huo kwa kiongozi wa mbio za mwenge wa uhuru mwaka huu
Sahili Nyanzabara Geraruma, amesema mradi huo una miti 2,150
iliyopandwa.
Mwalimu Lema amesema matarajio yao kwa mwaka huu ni kupanda
miti ya matunda 350.
Amesema wanaamini mradi huo unachangia katika kupunguza kiasi cha
hewa ya ukaa kilichopo angani na kufanya eneo hilo kuwa mahalo
pazuri zaidi kwa maisha ya binadamu na viumbe wengine hai.
Amesema shule hiyo ina jumla ya wanafunzi 131ikiwa idadi ya
wasichana ni 63 , wavulana 68 na walimu saba.
Amesema shule hiyo ilitembelewa na mwenge wa uhuru mwaka jana na
kuona mradi huo upandaji miti na utunzaji mazingira.
Kiongozi wa mbio za mwenge wa uhuru mwaka huu, Sahili Nyanzabara
Geraruma ameipongeza shule ya sekondari Mgutwa kwa kufanikisha
mradi huo wa kuhifadhi mazingira.
Mkuu wa Wilaya ya Simanjiro Dk Suleiman Serera amesema mwenge
ukiwa wilayani humo utatembelea miradi sita ya thamani ya shilingi
bilioni 1.3.
