Mkuu wa mkoa wa Mbeya Albert Chalamila amewaagiza madereva bajaji na bodaboda ambao tayari wana vitambulisho vya ujasiriamali kutotoa tozo za ushuru wowote ambao watadaiwa.
Chalamila amedai kuwa hakuna dereva yeyote ambaye atakuwa na kitambulisho cha ujasiriamali atakayedaiwa ushuru wowote kutoka kwa watendaji waliopo chini .
Hata hivyo ametoa wiki mbili kwa baadhi ya wajasiriamali wadogo wadogo ambao mpaka sasa bado hawajachukua vitambulisho vya ujasiriamali kuhakikisha wanachukua vitambulisho hivyo.
Katika hatua nyingine Chalamila amewataka wananchi wa mkoa wa Mbeya kuhakikisha wanafuata taratibu zinazotolewa na serikali kwa mujibu wa sheria badala ya kwenda kinyume.
