Rais wa Marekani, Donald Trump amesema, kwa muda
mfupi atasimamisha mchango wa Marekani kwa Shirika
la Afya Duniani (WHO) huku ikifanywa tathmini ya jinsi
shirika hilo lilivyoshughulikia mripuko wa virusi vya
corona mara tu baada ya kuzuka.
Trump analishutumu shirika hilo la afya la Umoja wa
Mataifa kwa jinsi lilivyoshindwa kushughulikia kuenea
kwa ugonjwa wa COVID-19.
Trump amedai katika mkutano na waandishi habari katika
ikulu ya White House kwamba iwapo shirika la WHO
lingefanya kazi yake vizuri na kutuma wataalamu wa afya
China, basi mripuko huo ungeweza kudhibitiwa.
Ameongeza kwamba shirika la WHO limeshindwa
kutimiza jukumu lake la msingi na lazima liwajibishwe.
Trump pia amesema shirika la WHO limeiunga mkono
China kwa kutoa taarifa zisizo sahihi kuhusu virusi vya
corona.
