Muungano wa vyama 15 vya siasa nchini, umepinga hatua ya
Chama cha Demokrasia na Maendeleo (Chadema), kukosoa na
kuwahimiza wananchi kupinga yaliyowasilishwa kwenye ripoti
ya kikosi kazi kilichoundwa na Rais Samia Suluhu Hassan
mapema mwaka huu,kwa ajili ya kutafuta muafaka wa kitaifa
wa vyama vya kisiasa.
Vyama hivyo ni pamoja na ADA TADEA, CCK, DP, TLP,
UPDP, AAFP, UMD, SAU, NRA, UDP, NLD, Demokrasia
Makini na ADC.
Akiwasilisha hoja za vyama hivyo Katibu Mkuu wa chama cha
ADC na Mwenyekiti wa Kamati ya Maadili ya Baraza la Vyama
cya Siasa Doyo Hassan Doyo, amesema Chadema imeonyesha
Ubinafsi wa hali ya juu, kwa kuwa ni wazi kuwa kilisusia vikao
vya wadau wa siasa jijini Dodoma, huku wakituhumu kuwa
hawawezi kukaa meza moja na msajili wa vyama vya siasa
kutafuta muafaka.
