Manchester United wamepata hasara kubwa zaidi katika uhamisho barani Ulaya katika kipindi cha muongo mmoja uliopita, kulingana na taasisi ya utafiti yenye makao yake makuu nchini Uswizi, CIES Football Observatory.
Tangu mwaka 2012 United imepata hasara kubwa ya zaidi ya euro bilioni moja, zaidi ya wapinzani wao Manchester City.
Utafiti huo umebaini kuwa Red Devils wametumia euro 1.545bn kwa ajili yauhamisho, na kurejesha euro 470m kupitia kuuza wachezaji.
Vilabu 14 vya Premier League viko kwenye nafasi ya 20 bora. United walivunja rekodi ya uhamisho wa Ligi Kuu ya Uingereza walipomsajili Paul Pogba mnamo mwaka 2016 kwa pauni milioni 89.5 na wamejipanga kutomuuza kiungo huyo wa kati, ambaye mkataba wake unaisha mwishoni mwa msimu huu.
Wachezaji wengine ambao usajili wao uliokuwa wa gharama ya juu ni pamoja na Anthony Martial (£36m) mwaka wa 2015 na Donny van de Beek (£40m) mwaka wa 2020. Wachezaji wote wawili waliondoka kwa mkopo katika dirisha la uhamisho la Januari.
Mabingwa wa Ligi ya Premier City wanashikilia nafasi ya pili kwenye jedwali wakiwa na utumizi mbaya wa euro 984m.
City wametumia euro 1.699bn kununua wachezaji katika muongo mmoja uliopita lakini walifanya mauzo ya 715bn.
Paris St-Germain walikuwa wa tatu kwa orodha ya waliopata hasara ya euro 914m na Barcelona wa nne na 650m.
Arsenal ilikamilisha tano bora kwa kupata hasara ya 583m.
