China imesema kamwe haitotoa hata inchi moja ya eneo lake, ikiwemo kisiwa cha Taiwan. Waziri wa Ulinzi wa China, Wei Fenghe amesema leo kuwa nchi hiyo haifikirii pia kuigawa sehemu yake katika Bahari ya China Kusini ambayo inazozaniwa.
Waziri huyo ameitoa kauli hiyo wakati akifungua kongamano la Xiangshan mjini Beijing.
Hivi karibuni China ilikasirishwa na vikwazo vya kijeshi vya Marekani, ikiwa ni moja ya mivutano katika uhusiano wake na Marekani, ikiwemo vita ya kibiashara na kuongezeka kwa uhasama wa kijeshi kati ya China na Taiwan katika Bahari ya China Kusini.
Wei amesema uhusiano wa kijeshi kati ya China na Marekani ni muhimu sana.
Wiki iliyopita, Waziri wa Ulinzi wa Marekani, Jim Mattis alimwambia Wei kwamba nchi hizo zinahitaji kuimarisha uhusiano wao ili kuondoa mvutano na kuzuia hatari ya kuzuka kwa mzozo usiotarajiwa.
