Kikao kazi cha Serikali Mtandao kitachofanyika kwa siku tatu, kimeanza leo katika ukumbi wa kimataifa wa mikutano AICC Jijini Arusha,kikihusisha Maafisa Masuuuli,Maafisa Tehama na watumiaji wote wa mifumo ya Tehama Serikalini.
Mkutano huo amabao umeambatana na maadhimisho ya miaka kumi ya Mamlaka ya serikali Mtandao,na una kauli mbiu isemayo Mifumo Jumuishi ya TEHAMA kwa utoaji Bora wa Huduma kwa Umma.
Mkutano huo umehudhuriwa na washiriki zaidi ya elfu moja wakiwemo Wadau wa Tehama na viongozi mbali mbali wa serikali, Viongozi wa dini na wanahabari.
Akizungumza katika mkutano huo Mwenyekiti wa bodi ya Wakurugenzi IGA Dkt Mussa Kissaka,katika hotuba yake akabainisha baadhi ya Malengo yaliyowekwa na bodi hiyo kwa kipindi cha miaka kumi.
Kwa upande wake Katibu Mkuu Ofisi ya Rais Menejimenti ya Utumishi wa Umma na Utawala Bora Dkt Laurean Ndumbaro, amewataka viongozi wa serikali na Taasisi zake ambao bado hawajaanza kutumia mfumo huo wa TEHAMA,kufanya hivyo ili kuleta maana kamili ya Serikali kuwa ya mtandao.
Nae Mgeni Rasmi katika mkutano huo Naibu Waziri wa Nchi, Ofisi ya Rais Menejimenti ya Utumishi wa Umma na Utawala Bora Deo Ndejembi aliyemwakilisha Waziri Jenista Mhagama katika hotuba yake,licha ya mengi aliyozungumza amezisisitiza Taasisi za serikali na za Binafsi kutumia mfumo wa TEHAMA ili kuweza kurahisisha kazi.
