Maelfu ya watu wamehamishwa kutoka makaazi yao nchini Ufaransa na Uhispania, kuwanusuru na moto mkali unaoteketeza misitu na mashamba kusini mwa bara Ulaya, sambamba na wimbi la joto kali linalovunja rekodi.
Kwa siku sita mfululizo sasa, moto mkali umeteketeza maeneo ya misitu ya misonobari karibu na mji wa Bordeaux kusini magharibi mwa Ufaransa, ambako watu 14,000 wamelazimika kuhamishwa, miongoni mwao wakiwemo waliokuwa wakifurahia mapumziko yao.
