Ujerumani na Luxembourg zimefungua mipaka yake ya barabara baada ya kuifunga kwa takribani miezi miwili. Tangu usiku wa kuamkia leo madereva wameruhusiwa kupita bila kuonesha kibali chochote. Kwa mujibu wa polisi katika mji wa Trier, maeneo 12 ya vizuizi katika eneo la mpaka yameachwa wazi. Na hakuna tena ukaguzi. Hatua za kuweka vizuizi mipakani zimezusha ukosoaji mkali katika katika maeneo mengi ya Ulaya. Kulingana na polisi ya Saarland, takribani vizuizi 35 kati ya Ujerumani na Ufaransa vilevile vimeondolewa ambapo kwa upande wa Italia vitaendelea kusalia hadi taarifa nyingne itakapo tolewa. Na taarifa ya taasisi ya afya ya Robert Koch inasema kumekuwa na ongezeko la maambukizi mapya 620 na kufanya jumla ya 173,772 na vifo vipya 57 na kufanya jumla ya 7,881.
